هنتقابل

هنتقابل
ومهما الدنيا تدور بيكى او بيه
ومهما الزمن غير ملامح البحر فى عنيه
هتفضل عيونى بحر وصوتك عندى أغنية
هغنيها واعيش فيها
ويوم أحلم وأطير بيها
ويوم تانى تطير بيه
ونتقابل
هنتقابل فى يوم صدفة
او فى حلم أو فكرة
وتشتاقى
أعود ليكى بأشواقى
أو الماضى يكون بكرة
ولما إيديك تمتد هتلقى
ما بينا سد
هتجرى وتحضنى الذكرى
وتتمنى أعود ليكى
وتبقى وحى أشعارى
وتتمنى اغنيكى
وتحضن وحدتك دارى
وتتمنى يعود صوتك
ملك مملكة أوتارى
ونتقابل
هنتقابل
واتحداك لو قلبك
فى يوم راح ينسى أيامى
واتحدى العيونن اللى
كانت قدرى
ونور بدرى والهامى
واتحداك لو تنسينى
او انساك
او قلبك يميل تانى
واتحداك لو تلقى
فى يوم غيرى
بحبى وشوقى يلقاك
هنتقابل برغم عنادك
وحتى يا عمرى فى بعادك
هنتقابل فى احلامى